تہران : وفاقی وزیر عبدالعلیم خان سے ترکمانستان اورازبکستان کے وزرائے ٹرانسپورٹ نے ملاقات کی جس میں باہمی دلچسپی کے امور سمیت باہمی تعاون کے فروغ و دیگر امور پر تفصیلی تبادلہ خیال کیاگیا ۔

وفاقی وزیر عبدالعلیم خان سے ترکمانستان کے وزیر ٹرانسپورٹ ممیت خان چاکیو نے ملاقات کی جس میں باہمی دلچسپی کے امور سمیت دونوں ممالک کے مابین باہمی تعاون کے فروغ و دیگر امور پر گفتگوکی گئی ۔
وفاقی وزیرعبدالعلیم خان نے کہا کہ وسط ایشیائی ریاستوں تک زمینی راستے پاکستان کی ترجیح ہیں خطے میں تجارت کے فروغ کے لئے ٹریڈ کوریڈور بناناہوں گے۔
ترکمانستان کے وزیر ٹرانسپورٹ ممیت خان چاکیو نے خیر سگالی کے جذبات کا اظہار کرتے ہوئے کہا کہ پاکستان سے تجارت اور تعلقات میں فروغ چاہتے ہیں۔
بعدازاں ازبکستان کے وزیر ٹرانسپورٹ الخوم محکموف نے بھی وفاقی وزیر عبدالعلیم خان سے ملاقات کی ۔عبدالعلیم خان نے کہا کہ پاکستان کیلئے وسط ایشیائی ریاستیں یورپ کے لئے" گیٹ وے"ہیں۔ ریل اور روڈ سے دیگر ممالک سے ٹریڈ میں اضافہ کرنا چاہتے ہیں۔
ازبکستان کے وزیر ٹرانسپورٹ الخوم محکموف نے پاکستان سے بھرپور تعاون کی یقین دہانی کرائی۔وزراء صاحبان نے کہا کہ ای سی او کے اجلاس میں شریک ممالک مزید نزدیک آئیں گے۔
ملاقات میں دونوں ممالک کے مابین مشترکہ اقدامات پر بھی تفصیلی تبادلہ خیال کیاگیادونوں وزراء نے ایک دوسرے کے لئے گرمجوشی کا اظہار، تحائف کا بھی تبادلہ ہوا