ورلڈ ٹیسٹ چیمپئن شپ فائنل: آسٹریلیا کا مایوس کن آغاز، 3 وکٹوں پر 46 رنز

لارڈز کے تاریخی گراؤنڈ میں کھیلے جا رہے ورلڈ ٹیسٹ چیمپئن شپ فائنل کی پہلی اننگز میں آسٹریلیا نے جنوبی افریقا کے خلاف 3 وکٹوں کے نقصان پر 46 رنز بنائے ہیں۔

میچ کا آغاز آسٹریلیا کے لیے خراب رہا۔ اوپنر عثمان خواجہ بغیر کوئی رن بنائے آؤٹ ہو گئے، کیمرون گرین 4 اور مارنس لیبوشین 17 رنز بنا کر پویلین واپس لوٹ گئے۔

جنوبی افریقہ کی جانب سے کاگیسو ربادا نے 2 اور مارکو جانسن نے 1 وکٹ حاصل کی۔

میچ سے قبل جنوبی افریقی کپتان ٹمبا باوما نے ٹاس جیت کر فیلڈنگ کا فیصلہ کیا اور کہا کہ ان کی ٹیم فائنل جیت کر ٹیسٹ چیمپئن بننے کی کوشش کرے گی۔

آسٹریلیا کے کپتان پیٹ کمنز کا کہنا تھا کہ اگر وہ ٹاس جیتتے تو وہ بھی اوور کاسٹ موسم کی وجہ سے فیلڈنگ ہی کرتے، لیکن اب ان کی کوشش ہوگی کہ وہ پہلی اننگز میں بڑا اسکور کریں۔

جنوبی افریقا کا اسکواڈ

ٹمبا باوما (کپتان)، ایڈن مارکرم، ریان رکلیٹن، ویان مولڈر، ٹرسٹن اسٹبس، ڈیوڈ بیڈنگھم، کائل ویرین، مارکو جانسن، کیشو مہاراج، کاگیسو ربادا، این لونگی

آسٹریلیا کا اسکواڈ

پیٹ کمنز (کپتان)، عثمان خواجہ، مارنس لیبوشین، کیمرون گرین، اسٹیون اسمتھ، ٹریوس ہیڈ، بیو ویبسٹر، ایلکس کیری، مچل اسٹارک، نیتھن لیون، جوش ہیزل ووڈ