راولپنڈی: سٹی ٹریفک پولیس نے ضلع راولپنڈی میں ٹریفک قوانین کی خلاف ورزیوں پر ایک دن 36 سو چالان کر کے 33 لاکھ 52 ہزار روپے سے زائد جرمانہ وصول کیا۔

اس حوالے سے چیف ٹریفک آفیسر بینش فاطمہ نے  راولپنڈی شہر میں ٹریفک نظام میں بہتری لانے کے لئے جہاں تجاوزات اور غلط پارکنگ کے خلاف روزانہ کی بنیاد پر کریک ڈان کیا جارہا ہے وہیں ٹریفک قوانین کی خلاف ورزیوں پر نہ صرف چالان و جرمانہ کیا جاتا ہے بلکہ سنگین خلاف ورزی کی صورت میں گاڑیاں و موٹر سائیکلز تھانوں میں بند کئے جارہے ہیں۔بینش فاطمہ نے بتایا کہ گزشتہ روز 3635 شہریوں کو چالان ٹکٹس جاری کئے گئے جن میں 909 ہیلمٹ کا استعمال نہ کرنے،533 بغیر ڈرائیونگ لائسنس اور 117 کاغذات نہ رکھنے والے شہری شامل ہیں جن سے چالان کی مد میں 33 لاکھ ،52 ہزار 500 روپے جرمانہ وصول کیا ۔سی ٹی او کا کہنا ہے کہ شہریوں کو چالان کرنے کا مقصد ٹریفک کے نظام بہتری لانا اور ٹریفک قوانین پر عملدرآمد کرانا ہے ۔