حج کی سعادت حاصل کرنے والے عازمین کے کھانے کے انتظامات کے حوالے سے اس بار ایک کروڑ 20 لاکھ ‘میل باکسز’ تیار کیے جائیں گے۔

سعودی عرب کی حکومت نے رواں حج سیزن میں نئی اور پرانی اسکیمز دونوں کو برقرار رکھا ہے جس سے عازمین مستفید ہورہے ہیں، لاکھوں عازمین کے لیے کھانے کے انتظامات چونکہ کافی اہم ذمہ داری ہے اس لیے کھانے کا معیار اور بروقت فراہم ایک بہت چیلنج ہے۔

میڈیا میں بتایا گیا ہے کہ رواں برس سعودی حکام نے عازمین حج کے فوڈ سروس آپریشن کے لیے 380 کیٹرنگ کمپنیوں سے کانٹریکٹ کیا ہے۔

عازمین حج کو بہتر کھانا فراہم کرنے کےلیے یہ سیکڑوں کمپنیوں 12 ملین کھانے کے ڈبے (میل باکسز) تیار کریں گی۔

سعودی حکام نے کیٹرنگ کمپنیوں کو پابند کیا ہے کہ وہ کھانے کے معیار کے لیے کوالٹی کنٹرول کا زیادہ اہتمام کریں، ان تمام سہولیات کا مقصد عازمین حج کو بہترین کھانا بہترین معیار کے ساتھ بروقت فراہم کرنا ہے۔

ڈاکٹر ابراہیم السینی جو کہ کیٹرنگ کمپنیوں کے سربراہ ہیں انھوں نے عرب میڈیا سے گفتگو کرتے ہوئے بتایا کہ حج پر آنے والوں کو سہولتوں کی فراہمی کےلیے تیاریاں مکمل عروج پر ہیں،

کیٹرنگ کمپنیوں کے سربراہ کا کہنا تھا کہ سب اداروں نے حاجیوں کی خدمت کے لیے دن رات ایک کردیا ہے، مزدلفہ، عرفات اور منیٰ میں حجاج کو کھانے اور ہر طرح کی سہولت کی بروقت فراہمی کے حوالے سے تیاری مکمل ہے۔