بلوچستان صوبائی اسمبلی نے انسداد دہشت گردی ( بلوچستان ترمیمی ) کا مسودہ قانون مصدرہ 2025 مسودہ قانون نمبر 18 مصدرہ 2025 کو متفقہ طور پر منظور کر لیا گیا۔

بلوچستان اسمبلی کا اجلاس اسپیکر کیپٹن ر عبدالخالق اچکزئی کی زیر صدارت منعقد ہوا ۔ اس موقع وزیر اعلٰی بلوچستان میر سرفراز بگٹی نے کہا کہ صوبہ میں مسنگ پرسنز کا ایشو عرصے سے چل رہا ہے۔ اور ایک منظم انداز سے صوبہ کے یوتھ کو ریاست سے بدظن کیا جارہا ہے ۔ اور مسنگ پرسنز کو بھی باقاعدہ ایک پروپیگنڈہ ٹول کے طور پر بھی استعمال کیا گیا۔جسکی حقیقت یہ سامنے آتی ہے کہ جس کو مسنگ پرسن شو کیا جاتا رہا وہ حقیقت میں کالعدم تنظیم سے تعلق رکھتا تھا۔
انہوں نے کہاکہ اس مسئلے کاحل اچھی قانونی سازی ہے ۔ مسنگ پرسن کے ایشو کا مقصد ریاستی اداروں کو بدنام کرناہے جسکو ہرصورت روکناہوگا۔ اور اب گرفتار ہونےوالے شخص کو ایک سینٹر میں رکھاجائے گا جہاں سے والدین سے ملنے کی اجازت ہوگی۔ اور اسکا وکیل بھی ہوگا۔وزیر اعلٰی بلوچستان نے کہا کہ اب مسنگ پرسن کاایشو ہمیشہ کے لئے ختم ہوجائے گا اور یہ قانون 6 سال کے لئے ہوگا۔