امریکی صدر ڈونلڈ ٹرمپ نے ہارورڈ یونیورسٹی میں غیر ملکی طالب علموں کے ویزوں پر بھی پابندی لگا تے ہوئے 12 ممالک کے شہریوں کے امریکہ میں داخلے پر پابندی لگا دی۔

جن ممالک پر پابندی عائد کی گئی ان میں افغانستان، ایران، لیبیا، صومالیہ، سوڈان ، یمن ، برما، چاڈ، جمہوریہ کانگو، استوائی گنی، اریٹیریا، ہیٹی کے شہریوں پربھی امریکہ میں داخلے پر پابندی عائد کی گئی ہے۔
صدر ٹرمپ نے امریکی شہریوں اور مفادات کو دہشتگردوں سے بچانے کیلئے متعدد ملکوں کے شہریوں پر پابندی عائد کی ہے۔

مکمل پابندی والے ممالک میں افغانستان، میانمار، ایران، یمن، لیبیا، چاڈ، کانگو، استوائی گنی، اریٹیریا، ہیٹی، سوڈان اور صومالیہ شامل ہیں۔

جزوی پابندی والے ممالک میں وینزویلا، برونڈی، لاؤس، سرالیون، ٹوگو، کیوبا اور ترکمانستان شامل ہیں۔

سفری پابندی کا اطلاق صرف ان افراد پر ہو گا جن کے پاس ویزہ موجود نہیں البتہ گرین کارڈ ہولڈرز، سفارتکار اور کھیلوں کے وفود پابندی سے مستثنیٰ ہوں گے۔ بچوں کو گود لینے والے، مذہبی اقلیتیں اور افغان ایس آئی وی ہولڈرز بھی مستثنیٰ ہوں گے۔

امریکی صدر نے کہا کہ سفری پابندیوں کا مقصد خطرناک غیرملکی عناصر سے تحفظ ہے میری پہلی مدت میں سفری پابندیاں سب سے مؤثر پالیسی ثابت ہوئی تھی، مستقبل میں مزیدممالک بھی سفری پابندی کی فہرست میں شامل ہو سکتے ہیں۔