"ایک کونسل ہاؤس میں پرورش پانے والے فرد کے لیے یہ اعزاز کسی خواب کی تعبیر جیسا ہے۔ لندن کا وعدہ ہے کہ اگر تم محنت کرو گے، تو کامیابی ضرور تمہارا مقدر بنے گی۔

ویب ڈیسک: صادق خان 2016 سے لندن کے میئر کی حیثیت سے خدمات انجام دے رہے ہیں، اور اب وہ تاریخ کے پہلے فرد بن گئے ہیں جو اس عہدے پر مسلسل تیسری بار منتخب ہونے کا اعزاز حاصل کر چکے ہیں۔

نائٹ ہُڈ کے شاہی اعزاز کے موقع پر اظہارِ خیال کرتے ہوئے صادق خان نے کہا کہ یہ لمحہ ان کی زندگی کا ایک ناقابلِ فراموش اعزاز ہے۔ انہوں نے بتایا کہ بادشاہ چارلس نے نہایت گرمجوشی سے انہیں نائٹ ہُڈ عطا کیا۔ ان کا کہنا تھا:

صادق خان 8 اکتوبر 1970 کو لندن میں پیدا ہوئے۔ ان کے والد پاکستان سے ہجرت کر کے برطانیہ آئے اور بس ڈرائیور کے طور پر کام کیا۔ صادق خان نے نارتھ لندن یونیورسٹی سے قانون کی تعلیم حاصل کی اور 1994 میں بطور سالیسٹر انسانی حقوق کے شعبے میں عملی خدمات کا آغاز کیا۔ انہیں حکومت اور پولیس کے خلاف کامیاب مقدمات لڑنے پر خاصی شہرت حاصل ہوئی۔

انہوں نے 1990 کی دہائی میں لیبر پارٹی کے پلیٹ فارم سے بطور کونسلر سیاسی سفر کا آغاز کیا، اور 2005 میں پہلی بار برطانوی پارلیمنٹ کے رکن منتخب ہوئے۔ بعد ازاں وہ کمیونٹیز کے انڈر سیکریٹری اور وزیرِ مملکت برائے ٹرانسپورٹ کے عہدوں پر بھی فائز رہے۔

2016 کے میئرل انتخابات میں انہوں نے زیک گولڈ اسمتھ کو شکست دے کر تاریخ رقم کی، اور اب تیسری بار کامیابی حاصل کر کے وہ اس منصب پر طویل ترین تسلسل کے ساتھ منتخب ہونے والے پہلے فرد بن چکے ہیں — جو ان کی عوامی مقبولیت اور سیاسی استقامت کا منہ بولتا ثبوت ہے۔