دونوں ممالک کے سپر سٹارز کے اس سرپرائز میٹ اپ کو خوب توجہ حاصل ہو چکی 

کراچی (شوبز ڈیسک) پاکستانی سپر اسٹار ماہرہ خان کی لندن میں بالی ووڈ  اداکار ارجن رامپال سے راہ چلتے ملاقات کی ویڈیو وائرل ہوگئی۔ماہرہ خان ان دنوں اپنی فلم لو گرو کی پروموشن میں مصروف ہیں جس کے لیے وہ پاکستان کے بعد لندن اور متحدہ عرب امارات بھی گئیں جہاں  ان  کی ارجن رام پال سے راہ چلتے ملاقات دیکھی جا سکتی ہے اور اس ملاقات نے سب کی توجہ حاصل کر لی ہے۔وائرل ویڈیو میں ماہرہ خان اور ارجن رامپال ایک دوسرے سے بات کرتے نظر آئے جبکہ اسی ویڈیو میں پیچھے دیکھا جا سکتا ہے۔

 کہ ہمایوں سعید دونوں کو دیکھ کر مسکرا رہے ہیں۔اس ملاقات کے دوران ارجن رامپال اکیلے نہیں تھے بلکہ ان کے ساتھ ایک چھوٹا بچہ تھا جس کا ہاتھ انہوں نے تھام رکھا تھا۔پاک بھارت کشیدگی کے باوجود دونوں ممالک کے سپر سٹارز کے اس سرپرائز  میٹ اپ کو خوب توجہ حاصل ہو چکی ہے۔