سعودی عرب: دھوپ میں کام کرنے پر تین ماہ کی پابندی عائد

سعودی عرب: 15 جون سے مزدوروں پر دھوپ میں کام کرنے پر پابندی کا اعلان  سعودی عرب کی وزارت افرادی قوت اور قومی کونسل برائے پیشہ ورانہ تحفظ و صحت ن

سعودی خبر رساں ادارے کے مطابق وزارت افرادی قوت اور قومی کونسل برائے پیشہ ورانہ تحفظ و صحت نے اعلان کیا ہے کہ 15 جون سے 15 ستمبر 2025 تک روزانہ دوپہر 12 بجے سے سہ پہر 3 بجے تک کھلے مقامات پر براہِ راست دھوپ میں کام کرنے پر پابندی عائد رہے گی۔ یہ فیصلہ نجی شعبے میں کارکنوں کی صحت و سلامتی کو مدنظر رکھتے ہوئے کیا گیا ہے۔

بیان کے مطابق اس اقدام کا مقصد کارکنوں کو گرمی کے مضر اثرات سے محفوظ رکھنا اور بین الاقوامی اکیوپیشنل سیفٹی اسٹینڈرڈز کے مطابق ایک محفوظ اور صحت مند کام کا ماحول فراہم کرنا ہے۔

وزارت افرادی قوت نے تمام آجر حضرات سے اپیل کی ہے کہ وہ اس فیصلے پر مکمل عملدرآمد کو یقینی بنائیں تاکہ کارکنوں کو ممکنہ حادثات اور موسمی بیماریوں سے تحفظ فراہم کیا جا سکے۔

واضح رہے کہ وزارت کی جانب سے اس قانون پر عملدرآمد کو یقینی بنانے کے لیے ملک بھر میں مانیٹرنگ ٹیمیں تشکیل دی جاتی ہیں، جو مخصوص اوقات میں معائنہ کر کے خلاف ورزیوں کی نشاندہی کرتی ہیں۔

بیان میں مزید کہا گیا ہے کہ اگر کسی ادارے کی جانب سے پابندی کی خلاف ورزی کی جائے تو شہری وزارت کے یونیفائیڈ نمبر یا سرکاری موبائل ایپلیکیشن کے ذریعے اس کی اطلاع دے سکتے ہیں۔