ایران کا بھرپور جوابی وار: اسرائیل پر 100 سے زائد بیلسٹک میزائل داغے، تل ابیب دھماکوں سے لرز اٹھا

اسرائیلی فوج نے دعویٰ کیا ہے کہ ایران نے اسرائیل کی سمت میزائل فائر کیے ہیں، جنہیں روکنے کے لیے فضائی دفاعی نظام متحرک کر دیا گیا ہے۔

فوجی حکام کا کہنا ہے کہ ملک بھر میں خطرے کے سائرن بج رہے ہیں، جبکہ شہریوں کو تا حکمِ ثانی محفوظ مقامات پر رہنے کی ہدایت جاری کر دی گئی ہے۔

اسرائیلی میڈیا کے مطابق ایران نے 100 سے زائد میزائل فائر کیے، جن میں سے کئی نے تل ابیب اور مقبوضہ بیت المقدس کو ہدف بنایا۔ مقامی ذرائع کا کہنا ہے کہ مختلف علاقوں میں زوردار دھماکوں کی آوازیں سنی گئیں اور تل ابیب میں جگہ جگہ دھوئیں کے بادل اٹھتے دیکھے گئے۔

دوسری جانب ایرانی میڈیا نے اطلاع دی ہے کہ پاسدارانِ انقلاب جلد اس کارروائی سے متعلق باضابطہ بیان جاری کرے گی۔