"صہیونی ریاست اپنے جرائم کا خمیازہ بھگتے گی، ہم طاقت سے جواب دیں گے" – آیت اللہ خامنہ ای

ایران کے سپریم لیڈر آیت اللہ علی خامنہ ای نے قوم سے خطاب میں واضح پیغام دیتے ہوئے کہا ہے کہ صہیونی حکومت نے جو سنگین غلطی کی ہے، اس کا نتیجہ نہایت تباہ کن ہوگا۔

ایرانی عوام کے نام اپنے پیغام میں ان کا کہنا تھا کہ:
"ہم اپنے شہداء کے خون کو ہرگز رائیگاں نہیں جانے دیں گے۔ صہیونیوں کے خلاف پوری قوم متحد ہے، اور ہماری مسلح افواج ہر سطح پر تیار ہیں۔"

آیت اللہ خامنہ ای نے کہا:
"آج ہر فرد محسوس کر رہا ہے کہ صہیونی دہشتگردوں کو سخت اور منہ توڑ جواب دینا لازم ہے۔ ہم نہ صرف جواب دیں گے بلکہ طاقت کے ذریعے دیں گے، کوئی سمجھوتہ نہیں ہوگا۔"

انہوں نے مزید کہا کہ:
"اسرائیلیوں کے لیے زمین تنگ ہو جائے گی، یہ جنگ انہوں نے شروع کی ہے، اب ان کے لیے بھاگنے کا کوئی راستہ نہیں۔ ہماری افواج دشمن پر کاری ضربیں لگائیں گی اور اللہ کے حکم سے صہیونی ریاست کو شکست دی جائے گی۔"

اس اہم خطاب کے فوری بعد ایران نے اسرائیل پر جوابی کارروائی کرتے ہوئے 100 سے زائد بیلسٹک میزائل فائر کیے، جن کے نتیجے میں ابتدائی اطلاعات کے مطابق 15 اسرائیلی زخمی ہوئے۔