آپ نے بالی وڈ اداکاروں کی کروڑوں کی کمائی کے بارے میں تو ضرور سنا ہوگا، لیکن کیا آپ جانتے ہیں کہ ہالی وڈ میں کئی اداکار صرف چند منٹ کے کام کے بدلے لاکھوں ڈالر لے لیتے ہیں؟

مثال کے طور پر، ہالی وڈ کے مشہور اداکار ٹام کروز کو فلم ’مشن امپاسبل: دی فائنل ریکننگ‘ کے لیے 100 سے 120 ملین ڈالر یعنی پاکستانی کرنسی میں اربوں روپے دیے گئے۔ اگر اس فلم میں ان کے اسکرین پر نظر آنے کا وقت دیکھا جائے تو ایک منٹ کے لیے انہیں 10 لاکھ ڈالر ملے۔

اسی طرح اداکار رابرٹ ڈاؤنی جونیئر کو دو فلموں میں صرف 60 منٹ سے کم اسکرین ٹائم کے لیے 80 ملین ڈالر دیے جا رہے ہیں، اور ڈیوائن جانسن (دی راک) کو ایک گھنٹے کی اداکاری کے لیے 80 سے 100 ملین ڈالر دیے جا رہے ہیں۔

لیکن سب سے حیرت انگیز بات یہ ہے کہ ہالی وڈ میں ایک اداکار ایسا بھی ہے جسے ایک منٹ کی اداکاری کا معاوضہ ایک کروڑ ڈالر ملا — اور وہ ہیں جونی ڈیپ۔

جونی ڈیپ کو فلم ’ایلس ان ونڈر لینڈ‘ میں ایک چھوٹے سے 7 منٹ کے کردار (میڈ ہیٹر) کے لیے ایک کروڑ ڈالر فی منٹ دیے گئے۔ یہ فلم 108 منٹ طویل تھی اور اس نے باکس آفس پر 1 بلین ڈالر سے زیادہ کمائی کی۔

یعنی جونی ڈیپ نہ صرف اداکاری میں ماہر ہیں بلکہ معاوضے کے میدان میں بھی سب پر سبقت لے گئے ہیں۔